४. अब्रामा आरी पोरमेहेरा वायदों
रेले काही वोरहा पासे, दुन्यामाय खुबुज लोक आता, आन बादी दोरती वोय योकुज भाषा आन योकुज बोली आती | लोकहाय पोरमेहेरा हुकुम नाय मान्यो | पोरमेहेराय दोरतील लोकहाँ कोय
बोआना हुकुम देनलो आतो, त्ये योक आरी योखठे जाये आने योका सेहेंरा निर्माण कोअयां |त्याहाल खूब घमंड आतो, पोरमेहेराय जी आखलां आतां त्याहाय त्या पारवा नाय कोअयी | पासे त्याहाय होरगा हुदुं लांबी सेंडी बोनादना सुरवात कोअया | पोरमेहेराय देख्यां का ‘’ बादें योका टोळा हेय आने भाषा बी त्याहां योकुज हेय, आन त्याहाय
ओहडाज काम कोअना सुरवात कोअयां; आन आमी जी काय त्ये कोअना कोशिस कोअरी, त्यामाने त्याहाहाटी काय बी नाय ओए सारकां नाय ओअरी |याहाटी पोरमेहेराय त्याहां भाषाल जूदी-जूदी भाषामाय बोंदली देना, आन त्याहांल ताअने बादी दोरती वोय फेयलावी देना | ज्या सेहेर त्ये निर्माण कोंई रोयले आतें त्याआ नाव बेबीलोन आतां, ज्यां मतलब हेय – ‘’अस्पष्ट’’सेकड़ो वोरहा पासे, पोरमेहेराय योका माअहांआरी गोठ कोअयी ज्या नाव आब्राम आतां | पोरमेहेराय आब्रामाल आख्यां का, ‘’तोअ देस आने तोअ कुटुम्ब आन तोअ आबहा गुऊ सोडिन त्या देसामाय जो जो आंय तूल देखाडीही|पोरमेहेरा वोचना अनुसार आब्राम चाल्यो | याज रीते आब्राम त्याआ दोनारी सारे , आन जी धोन त्याहाय योखठा कोअलां आतां , आन ज्ये प्राणी त्याहाय हारानामाय मिळवूले आतें, बादहाल लींन कनान देस जो पोरमेहेराय त्याल देखाडलो
आतो जाआ हाटी निगीन चाल्यो; आब्राम तांआ खूब वोरहे रोयों | पासे पोरमेहेराय आब्रामा आरी वायदों कोअयो | वायदों योक सम्मति हेय बेन गोवानद्याहां विस माय
|पोरमेहेराय त्याल आख्यां का, ‘’तोअ च्यारी चोमखी ऐऐ’’ काहाका जोली दोरती तूल देखाय देहे , ती बादी आंय तूल आने तोअ वोंशाल दिहीं | आंय तूल बोरकत दीही आन तोअ नाव मोठा कोअहीं |आंय तो कोय योक मोठी जाती बोनाडीही आन आंय तोअ पोरमेहेर ओअही | जो तूल बोरकत देय त्याहाल आंय बोरकत दीहीं आन जो तूल कोसे, त्याल आंय श्राप दीहीं | आने दोरती वोने बादा कुळ तोअ लिदें बोरकत मिळवी’’| पोरमेहेराय आब्रामाल आख्यां का तुमहे माने योका योका आदम्या सुन्ता ओअरा जोजे | जो वायदों मां आने तुमे विसमाय हेय, त्याआ ईज खुण रोंय | आन आब्रामाय हुकुम मान्यो |आब्रामाय पोरमेहेरा वायदा वोय इमान थोव्यो | पोरमेहेराय पुकारो कोंई देना का आब्राम धार्मिक हेय, काहाका त्याये वायदा वोय ईमान थोवलो हेय | पेन योक अड़चन आती | आब्राम आने त्याआ कायज पोहें नाय
ओई सेकतें आतें | याहाटी ई नाय ओए सारकां आतां का आब्राम खुबुज जातही आबहो बोनी सेकतो पेन त्याहाय धीर दोअयो | आन त्या वायदा वोय जो पोरमेहेराय त्याहांआरी कोअलो आतो ईमान थोव्यो |योक दीही, आब्राम मलिकिसिदक, पोरमेहेरा परमप्रधान याजका आरी मिळयो | मलिकिसिदकाय आब्रामाल ओ बोरकत देनो, ‘’परमप्रधान देवा हिने, जो जुग आने दोरती ओधिकारी हेय, तूं धन्य ओअ’’ | तोवे आब्रामाय बादी वोस्तुहू दसवास देना |
बायबल कहानी माय :उत्पत्ति ११-१५
